Nga 7 janari, turistët do të duhet të paguajnë një tarifë për të hyrë në Shatërvanin e Trevit në Romë. Tarifa e përcaktuar nga autoritetet lokale do të jetë dy euro. Megjithatë, banorët e kryeqytetit italian, Romës, do të vazhdojnë të jenë në gjendje ta vizitojnë monumentin falas. Ky vendim mund të sjellë 20 milionë euro në arkën e qytetit, sipas Corriere della Sera-s. Për rreth një vit, numri i vizitorëve ka qenë i kufizuar, me një maksimum prej 400 personash të lejuar në zonë. Duke filluar nga janari, do të ketë dy korsi, një për banorët e romës dhe një për turistët. I mbështetur nga administrata e qytetit, plani synon të mbrojë shatërvanin ikonik të Romës, i cili vetëm në gjashtë muajt e parë të këtij viti tërhoqi mbi 5.3 milionë vizitorë, më shumë se Panteoni gjatë gjithë vitit 2024. Fondet e gjeneruara nga shitja e biletave duhet të përdoren për përmirësimin e ofertave dhe shërbimeve turistike.