Qeveria e re çeke, në seancën e saj të parë hodhi poshtë të hënën Paktin Evropian të Migracionit dhe planin e tregtimit të emetimeve ETS2, gjë që mund të çojë në një përplasje me Brukselin, raportoi Reuters. Partia ANO e miliarderit çek dhe kryeministrit Andrej Babis, së bashku me partnerët e saj të koalicionit të krahut të djathtë, sulmoi menjëherë politikën e migracionit të BE-së dhe sistemin e tregtimit të emetimeve. Ajo pretendon se lejet e emetimeve ETS2, të cilat hyjnë në fuqi në vitin 2028, do të rrisin çmimet e energjisë për familjet çeke dhe do të kërcënojnë konkurrueshmërinë e industrisë evropiane. "Ne nuk do ta zbatojmë më tej këtë dispozitë të direktivës së BE-së", tha Babis, duke shtuar se do të kërkonte aleatë midis 27 shteteve anëtare për të hequr planin. Refuzimi i politikave të dakorduara të BE-së e ekspozon qeverinë çeke ndaj procedurave të shkeljes, humbjes së fondeve dhe ndëshkimeve të mundshme financiare, raporton Reuters. Qeveria e Babis ka bërë gjithashtu thirrje për një politikë më të ashpër për migrantët, zbatim më të rreptë të kthimit dhe rregulla më të rrepta të migracionit të BE-së sesa ato të dakorduara.