Greqia në harkun e pak orëve është tronditur nga vrasja të rënda, nga ato që në gjuhën policore dhe të kronikës së zezë njihen si krime tipike mafioze. Pikërisht për shkak të këtyre vrasjeve Policia greke është ngritur në këmbë. Në vendin fqinjë po ushtrohen kontrolle “blic” për të prangosur anëtarë të grupeve kriminalë që operojnë, duke mos përjashtuar as mafian shqiptare. Në artikull përmendet edhe vrasja e shqiptarit të vrarë të dielën, Aris Pappas, i njohur me nofkën Mili, i cili u qëllua për vdekje brenda një lokali. Media greke shkruan se breshëria e sulmeve vrasëse që ka ndodhur kohët e fundit po shkakton shqetësim të madh tek autoritetet, por edhe në shoqërinë greke. Lufta e bandave po zhvillohet në mënyrë të pakontrolluar, duke mos i llogaritur palët e treta, ndërkohë që godasin çdo 10 ditë. Oficerët e Policisë Greke i drejtojnë hetimet e tyre në “trekëndëshin” e burgjeve Athinë-Patra-ku vepron krimi i organizuar, por edhe mafia shqiptare.