Policia greke ka zbardhur skemën e plotë të vrasjes së 27 vjeçarit, Altin Hoxhaj në ishullin Mykonos në Greqi. Referuar deklaratës së policisë helene molla e sherrit që i mori jetën 27 vjeçarit ka qenë pagesa e qerasë të shtëpisë ku banonte. Janë vënë në pranga pesë autorë, të gjithë me origjinë shqiptare, të moshës nga 22 deri në 29 vjeç, të cilët kanë dhënë dëshminë përpara autoriteteve policore. Në deklaratën e tyre ata pohuan se krimi ka ndodhur si pasojë e një mosmarrëveshjeje dhe vonesave në pagimin e qerasë së shtëpisë.