Ngjarja e rëndë e regjistruar në Reggio Emilia të Italisë ku një avokat shqiptar u gjet me fytin e prerë ka tronditur qytezën. Miqtë e viktimës, i identifikuar si Aineo Redo 48 vjeç janë përlotur teksa kanë folur para mediave italiane. Mario Di Frenna, ka punuar me avokatin shqiptar prej vitit 2007, teksa pohon se së bashku kanë ndarë të gjitha pasionet. Miku i Redos ka thënë se kishte komunikuar me të një natë më parë, ndërsa lanë dhe takim për të nesërmen, por shqiptari nuk u paraqit. CITIM: “E kam parë Aineon për herë të fundit mbrëmë. U përshëndetëm në orën 23.30. Ai më tha: “Shihemi nesër në zyrë”. Por në orën 10.50, kur mbërrita, ai nuk ishte aty. Pastaj më thirrën karabinierët… Aineo ishte i dashur nga të gjithë, i vlerësuar nga klientët dhe nga komuniteti shqiptar që ndihmoi shumë”