Vrasja e një të riu me ngjyrë nga një oficer policie në qytetin amerikan Brooklyn Center, në Minnesota, ishte një aksident. Të paktën ky është versioni i dhënë nga shefi i policisë. Daunte Ëright, 20 vjec, u qëllua pasi oficeri donte të pëdrorte një goditës elektrik por gabimisht nxorri armën. Oficeri u identifikua më pas si Kim Potter, që ka punuar për policinë e Brooklyn Center prej 26 vitesh. Vdekja e Ëright, ka ndezur protesta dhe një ndalim qarkullimi është shpallur nga ora 19.00 deri në orën 6 të mëngjesit... Sidoqoftë, mbrëmjen e të hënës, turmat e sfiduan ndalim qarkullimin dhe u mblodhën për natën e dytë të protestës para rajonit të policisë. Dëshmitarët thanë se kishte patur shpërthime dhe policia ishte goditur me shishe. Forcat e rendit ndërkohë përdorën gazin lotsjellës dhe granatat tymuese. Tensionet në Mineapolis, janë të larta ndërkohë që vijon gjyqi ndaj një ish oficeri të akuzuar për vrasjen e George Floyd. Presidenti Joe Biden tha se “nuk ka justifikim” për dhunën dhe plaçkitjet që shpërthyen në Bruklin Senter. "Bëj thirrje për paqe dhe qetësi,” tha presidenti në një deklaratë për gazetarët në Shtëpinë e Bardhë. “Duhet të dëgjojmë nënën e Dauntes që po bën thirrje për qetësi”.