Reforma Zgjedhore e ajo Territoriale, ishin dy kushtet e Partisë Demokratike drejtuar asokohe nga Lulzim Basha për votën e tyre për shtyrjen e mandatit për organet e vettingut. Tashmë disa muaj pas atij votimi në Kuvend, më në fund PD ka publikuar emrat e anëtarëve të saj në Komisionin e Posaçëm për zgjedhoren dhe atë për Reformën territoriale. Vendimi është marrë në mbledhjen e grupit parlamentar të drejtuar nga Enkelejd Alibeaj, ndonëse nuk njihet nga PD e përfaqësuar nga kryetari i sapo zgjedhur Sali Berisha. Lidhur me këtë, PD ka caktuar si bashkëkryetar për Komisionin për Refomën Zgjedhore, Enkelejd Alibeajn, dhe anëtar, Oerd Bylykbashi, Dashnor Sula, Grida Duma, Kreshnik Collaku dhe Lindita Metaliaj.