Sali Berisha uroi Donald Trump me rastin e 4 korrikut, ditës së Pavarësisë së Shteteve të Bashkuara ë Amerikës. SHBA-të kremtojnë këtë përvjetor pas një fitoreje epike, të jashtëzakonshme, mbi regjimin obskurantist të Ajetollahëve. Fitore me të cilën flamuri i këtij vendi u ngrit përsëri, pas rënies në gjysmështizë në Kabul. Dhe, kjo kishte një vlerë shumë të madhe. Ishte një këputje e nyjës gordiane. Ata të cilët nuk kanë kuptuar përmasat e kësaj fitoreje, nuk janë në nivelin e duhur politik, për të mos thënë që kanë ndienja pro-obskurantizmit. Një armë bërthamore në duart e Ajatollahëve do të ishte një rrezik madhor për të gjithë Lindjen e Mesme, dhe për të gjitha vendet e tjera. Kreu i Partisë Demokratike vijoi edhe këtë të premte me denoncimin me video nga zgjedhjet e 11 majit. Këtë herë, Berisha ndau me publikun video nga votimi në Krujë, ku akuzoi se veç patronazhistëve, në votimin kolektiv është përfshirë edhe policia e shtetit.