Një ngjarje e rëndë është regjistruar mbrëmjen e kësaj të hëne në fshatin Mekat të Vlorës, ku pas një konflikti për motive të dobta nipi ka vrarë me armë gjahu xhaxhanë e tij e më pas edhe veten. Viktimat janë Genci Koreta 39 vjec dhe Jorgji Koreta 64 vjec. Shërbimte policore të cilët u drejtuan menjëherë në vendngjarje bënë me dije se 39 vjecari vuante nga probeleme të shëndetit mendor. Paraprakisht dyshohet se shkak për këtë konflikt ka qenë një pronë, dhe më pas zënka ka degraduar deri në përdorimin e armës së gjahut nga ana e 39-vjeçarit. Familjarët e viktimave janë shprehur se nipi e ka qëlluar 64 vjecarin teksa ishin duke punuar te ullinjtë. Sipas tyre ata shkonin shumë mirë me njëri-tjetrin. Sink familjarët "Ne tani e morëm vesh, nuk e dimë pse u vranë, te ullinjtë punonin nipi me xhaxhanë, nuk e dimë a kanë pasur më parë konflikte, ata kalonin mirë", tregon ai. Në vendngjarje është gjetur dhe sekuestruar në cilësinë e provës materiale arma e gjahut. Grupi hetimor nën drejtimin e Prokurorisë së Rrethit Gjyqësor Vlorë vijon punën për sqarimin e plotë të rrethanave të ngjarjes.