Nga kryeveprat abstrakte ekspresioniste, deri tek portretet hiper-realiste, inteligjenca artificiale (IA) është në gjendje të krijojë vepra arti që janë kryekëput si pikturat e bëra nga njerëzit. Gjatë një sondazhi online, 200 njerëz nuk qenë në gjendje të dallonin pikturat njerëzore nga “arti artificial”. Robotët e krijojnë artin në sajë të algoritmeve kompjuterike që mësojnë duke analizuar mijëra imazhe të pikturave reale. Sa më shumë imazhe të një stili ose estetike të caktuar që të analizojë algoritmi, aq më realist do të jetë rezultati, deri në detaje të tilla si penelatat. Edhe pse “pikturat artificiale” po shiten tashmë për qindra mijëra dollarë, sfida e fundme e teknologjisë duket të jetë kopjimi i emocioneve njerëzore. Megjithatë, sipas studiuesve, nuk do të jetë e largët dita kur kompjuterat të krijojnë vepra arti të denja që të ngjallin emocione tek njerëzit. Studimi tregon gjithashtu se pjesëmarrësit ishin të prirur ta lidhnin artin realist me njerëzit, kurse artin abstrakt me kompjuterat dhe robotët. Edhe pse në fakt, veprat më të mira abstrakte kanë qenë produkt i emocioneve të fuqishme njerëzore, sic ka qenë rasti i Pablo Pikasos dhe Mark Rothkos. Kjo mbase është edhe arsyeja që, arti i krijuar nga kompjuteri vlerësohet më pak, megjithëse, ka vepra të krijuara nga inteligjenca artificiale, që janë shitur për shuma të konsiderueshme.