Një shtetas është vendosur në pranga pasi shpërndante video me përmbajtje pornografike me të mitur në rrjetet sociale. Dyshohet se 28-vjeçari ka administruar dhe publikuar në platforma të ndryshme të rrjeteve sociale, kryesisht në "Instagram" dhe "ëhatsApp", pamje sensitive në formë videoje me përmbajtje pornografike me të mitur. Sektori për Hetimin e Krimeve Kibernetike sekuestroi në cilësinë e provës materiale një aparat celular smartphone me të cilin është kryer kjo veprimtari, i cili do t’i nënshtrohet një ekspertimi të detajuar kibernetik, për të zbuluar më tej mbi aktivitetin e të riut. Bëhet fjalë për shtetasin me iniciale E. H., banues në Tiranë, për veprën penale pornografia me të mitur. Ndërkohë hetimet për këtë procedim vazhdojnë me qëllim identifikimin e shtetasve të tjerë të përfshirë në këtë aktivitet kriminal.