Arjan Ndoja nuk do të jetë pjesë e sistemit të Drejtësisë. Vendimi pëfundimtar u mor një javë, pasi ai dha të gjitha shpjegimet e tij për pretendimet e anëtarëve të Komisionit të Pavarur të Kualifikimit, por edhe vëzhguesve ndërkombëtarë. Ai u hetua për të tre kriteret; atë të pasurisë, pastërtisë së figurës dhe profesionalizmit. Por u konstatuan papërshtatshmëri, pasi dyshohet se ka favorizuar persona me precedentë penalë gjatë detyrës së tij, duke e lidhur edhe me një atentat që iu bë në nëntor të vitit 2019, ndërsa ishte në makinë me një person të skeduar për vepra të rënda penale. Pas përfundimit të seancës që e largon nga sistemi i drejtësisë, ish prokurori dha një prononcim të shkurtër për mediat.