Kryeministri Edi Rama ka komentuar marrëdhëniet me Greqinë, teksa thotë se ai nuk i nuk e sheh të lidhur me negociatat për anëtarësimin në Bashkimin Europian, duke shtuar se ‘raporti mes dy vendeve na takon vetëm ne’. Në një konferencë me gazetarët, Rama tha se Greqia është një partner strategjik i Shqipërisë, me të cilën “duam të thellojmë edhe më shumë bashkëpunimin”. Ndërsa në raport me çështjen e dallimit aktual mes nesh edhe Greqisë, unë nuk jam zgjatur, por kam nënvizuar se kjo është një çështje mes nesh, që ne duhet ta trajtojmë mes nesh dhe që në të gjitha rastet është një çështje që përsa në takon si Shqipëri, ne nuk e shohim të lidhur as me procesin e negociatave, por as me përmbajtjen e marrëdhënies tonë me Greqinë, e cila është një partner strategjik i Shqipërisë, e cila është një vend fqinj me të cilin ne duam t’i thellojmë marrëdhëniet e fqinjësisë, të thellojmë bashkëpunim dhe patjetër të forcojmë miqësinë, duke bërë gjithçka që na takon ne dhe ne duam të jemi një vend evropian në Ballkan, jo një shtet ballkanik në BE.