Kina ka bërë të ditur se do të lejojë cdo cift të ketë deri në tre fëmijë, duke i dhënë fund kështu politikës strikte të dy fëmijëve. Sipas medias shtetërore, Xinhua, ndryshimi është miratuar nga presidenti Xi Jin Ping, në një takim të byrosë politike. Kjo vjen pasi një regjistrim i popullatës që kryhet një herë në cdo 10 vjet, tregoi se ppopullsia në Kinë u rrit me ritmin më të ngadaltë në dekada. Kjo shtoi presionin mbi Pekinin për të marrë masa që ciftet të lindin më shumë fëmijë dhe të evitojnë kështu një rënie të popullatës. Censusi në Kinë, i publikuar këtë muaj, tregoi se rreth 12 milionë foshnje lindën vitin e kaluar, një rënie domethënëse nga 18 milionë që ishte shifra në 2016-ën dhe numri më i ulët i lindjeve i regjistruar që nga vitet 1960. Pritej gjertësisht që pas publikimit të rezultateve, kina do të zbuste rregullat e saj për planifikimin familjar. Në 2016, qeveria i dha fund politikës kontraversiale të vetëm një fëmije dhe lejoi ciftet të kenë dy fëmijë. Por reforma dështoi në rritjen e lindshmërisë në vend pavarësisht një rritjeje të shënuar për dy vitet që pasuan. Prej vitesh në fakt tendenca në kinë ka qenë e përcaktuar nga politika e një fëmijë, që hyri në fuqi në 1979 për të ngadalësuar rritjen e popullatës. Familjet që shkelnin rregullin përballeshin me gjoba, humbje të vendit të punës e ndonjëherë edhe abort të detyruar.