Top News-Vetëm 1484 përjashtohen nga skema/14 mln lekë për kontributet e pensionistëve të punësuar

Qeveria do të shpenzojë vetëm 14 milionë lek për mbulimin e kontributeve të pensionistëve të punësuar, një premtim që u bë pas Këshillimit Kombëtar. Kaq është kostoja financiare e projektligjit të propozuar në konsultim publik. Sipas projektligjit, nga përjashtimi i pagesës së kontributeve do të përfitojnë vetëm pensionistët e vetëpunësuar dhe jo e gjithë kategoria, pavarësisht se të gjithë personat mbi 65 vite kanë mbushur moshën e daljes në pension. Sipas relacionit shoqërues, nga kjo do të përfitojnë 1484 pensionistë që kanë një aktivitet biznesi të tyrin, ndërsa INSTAT thotë se shifra e pensionistëve të punësuar në fund të vitit të kaluar ishte 54 mijë e 500.