Kryetari i Partisë Demokratike, Lulzim Basha, u takua me një çift pensionistësh në Tiranë, ku u njoh me vështirësitë e krijuara nga pandemia në jetën e tyre. Gjatë bisedës me Bashën, çifti Robert dhe Budulina Martini, thanë se ka munguar mbështetja e shtetit për shtresën e tyre në këtë periudhë të vështirë. “Mund të flasi qeveria, jep balloma, jep pankarta, jep ashtu po kur vjen puna tek moj ta marrça, lek vjen e lek nuk e dim se ku shkon. Mua shyqyr zotit nuk na ka ndodh por me çfarë dëgjoj me shkuar nëpër farmaci me marrë ilaçe.... Nuk e përballojmë. Paracetamol, jo, jo vitamina e cfarë janë ato jo jo nuk e përballojmë dot. 80 mijë lek shkon energjia, telefoni kjo, ajo. Edhe shokët e mi që kanë dalë në moshën time me 23 vite pune po deshe ju jap emra me 110 mijë lekë. Ja të them sinqerisht te furra ke bukë të ftohtë. Buka e ftohtë është 300 lekë, ja kështu.. Duke degjuar çiftin e pensionistëve Basha tha se jo vetëm pensionistët që janë lënë ne harresë nga qeveria gjatë pandemisë, por edhe shtresat e tjera si bizneset që janë goditur më rëndë, nuk kanë marrë thuajse asgjë për të mbijetuar. "Virusi është shumë i rrezikshëm. Moshat e treta i godet shumë më rreptë se sa moshat e tjera dhe është detyra juaj të ruani veten, është dyfish detyra jonë, por po jua them si prindërve të mi që t'ju ruajmë ju. Më e dhimbshmja, është që këtu ka mbetur me ruajtur veten sepse ata që e kanë për detyrë, qeveria që e ka për detyrë t'i mbrojë njerëzit, nuk po e bën detyrën e vet. Edhe në spitale po e shikoni si ështê fluksi. Mjekët janë të shteruar, të ezauruar, sepse duhet te perballen me shume te semure. Kostoja e ilaçeve është e papërballueshme. Kështu që duhet me bërë gjithçka per tu mbrojtur. Edhe biznesit mund ti japim të paktën atë ndihmë që i jep Kosova, të paktën që i jep Maqedonia se kjo është krizë e 3-4 fish. E para është vetë koronavirusi. Sipas Bashës ndërsa sistemi shëndetësor është i fokusuar tek pandemia, kanë mbetur jashtë vemendjes trajtimi i sëmundjeve të tjera.basha kujtoi edhe një herë planin me 5 pika të propozuar për të mbështetur shqiptarët në përballjen me krizën e shkaktuar nga COVID-19. Një nga pikat e planit të PD ishte dhe ajo për mbështetje me 20 mijë lek të vjetra për pensionistët që të blejnë maska dhe dezinfektantë për prandalimin nga infektimi.