Kryeministri Edi Rama ka reaguar lidhur me lajmin e publikuar në mediat greke dhe ato shqiptare për dekretimin nga ana e Greqisë të vendimit për shtrirjen me 12 milje në detin Jon, duke i konsideruar këto informacione si pjesë e llumit nacional-folklorist. Përmes një postimi në Tëitter kreu i qeverisë i ka konsideruar , si vazhdim i shfifjes së madhe të shtitjes së detit me greqisë deklarimet e dy ditëve të fundit. “Këtë marrëzi ekstreme për përfitime politike mund ta besojnë vetëm ata që s'duan të dëgjojnë e as të kuptojnë! Pas rrëzimit të marrëveshjes famëkeqe të 2009 dhe mosmarrëveshjes që pasoi, ne kemi arritur më në fund dakordësinë me palën greke që delimitimin e kufirit tonë detar ta çojmë në Gjykatën Ndërkombëtare! Shtrirja 12 milje e Greqisë në Jon s'ka lidhje me zonën joniane mes nesh! E drejta e 12 miljeve ushtrohet aty ku është e mundur dhe jo aty ku s'ka mundësi, siç është rasti në zonën mes nesh ku vija ndarëse do të vendoset me gjyq! Greqia e ka ushtruar këtë të drejtë së fundmi, fiks siç e ka ushtruar Shqipëria qysh në vitin 1990! Të tjerat janë dokrra”, thuhet në postimin e kreut të qeverisë. Duke vijuar argumentin e tij, Rama thotë se jetojmë në shekullin e 21 në mes të Europës ku nuk mund të shiten e blihen në fshehtësi, apo haptazi dete dhe territore . Sipas tij këto mund të ndodhin vetëm në batakun e ligësisë e të injorancës, ku llumi i Shqiptarisë gjen shesh për përsheshin e tij. Kryeministri duke iu referuar asaj çfarë ka ndodhur në vitin 1990 kur nga presidenti komunist i kohës Ramiz Alia është firmosur dekreti për ndryshimin e kufirit në territorin e e Shqipërisë, duke publikuar edhe dokumentat zyrtare. „Ja edhe dokumentat e vitit 1990 kur Shqipëria bëri fiks këtë që bëri Greqia sot dhe që është në fuqi sot e gjithë ditën në regjistrin e OKB! As pala greke s'kishte çfarë kontestonte atëherë, as ne s'kemi çfarë kontestojmë sot tek vendimi i Greqisë! Lëreni llumin në batakun e vet”, përfundon Rama postimin e tij.