Pak ditë më parë, në britaninë e madhe, u nda nga jeta nga pleqëria, Uilliam Shekspir, ai që u bë i njohur si burri i parë që mori një vaksinë anti covid. Por, emri i njëjtë me shkrimtarin e madh anglez, ka bërë që shumëkush të bëjë habi. Ndërkohë që ajo që nuk pritej, ëhstë gafa e një gazetareje në një televizion argjentinës, që pasi ka lexuar në agjencitë e lajmeve, njoftimin për vdekjen e 81 vjecarit, ka menduar se bëhej fjalë për adashin më të famshëm, dramaturgun dhe poetin që është ndarë nga jeta në fakt në 1616. “Lajmi na ka shokuar, për mua ai është një mjeshtër i madh”, tha gazetarja në transmetim direkt. Gafën e rrëfen tani BBC po ajo ka bërë edhe xhiron e rrjeteve sociale. Gazetarja e Canal 26, Noelia Novillo, ka thënë në transmetim direkt se një nga shkrimtarët më të rëndësishëm në gjuhën angleze, për të një mjeshtër i madh, është ndarë nga jeta. Po flasim për Uilliam Shekspir – ka vijuar ajo. Lajmi na ka shokuar. Do tju japim informacione të mëtejshme të asaj që ka ndodhur”. Sapo është përhapur lajmi i kësaj ngatërrese, mediat sociale janë shfrenuar: “Familja Montecchi dhe ajo Kapuleti kanë shprehur ngushëllimet e tyre”, shkruanin përdoruesit e tëitterit duke iu referuar Romeos dhe Xhulietës. Në të vërtetë, uilliam Shekspir, ish punonjës i Rolls Royce, u vaksinua në dhjetor duke u bërë burri i parë në botë që mori një vaksinë të kompanisë Pfizer dhe Biontek. Ai u nda nga jeta më 25 maj për shkak të një sëmundjeje që nuk lidhej me kovidin.