Një grua 56-vjeçare ka humbur jetën pasi ra në një pusetë të hapur në një rrugë të ngarkuar në Manhattan, të Nju Jorkut. Viktima, e identifikuar nga policia si Donika Gocaj, nga Briarcliff Manor, një periferi e Neë Yorkut, e kishte parkuar automjetin e saj në Fifth Avenue pak para orës 23 e 30 minuta. Sipas autoriteteve, ajo doli nga makina e saj saj dhe ra në pusetën e hapur pak çaste më vonë. Zjarrfikësit e nxorën atë nga gropa, por ajo u shpall e vdekur pasi u transportua në një spital lokal. Con Edison, kompania lokale e shërbimeve të mirëmbajtjes, deklaroi se pamjet e kamerave të sigurisë tregojnë se mbulesa e metalit të pusetës u hoq nga një kamion i tonazhit të rëndë që kaloi mbi të vetëm 12 minuta para se Gocaj të binte. "Po shqyrtojmë detajet dhe, ndonëse kjo është një ngjarje e rrallë, kapakët e pusetave mund të zhvendosen nga automjetet e rënda", tha një zëdhënës i Con Edison në një deklaratë. "Mendimet tona shkojnë për familjen e saj dhe siguria mbetet përparësia jonë kryesore." Incidenti ndodhi në një lagje tregtare luksoze në Midtoën Manhattan, disa blloqe larg Kullës Trump. Zyra e mjekut ligjor të qytetit ka nisur tashmë një hetim për të përcaktuar shkakun e saktë të vdekjes ndërkohë që dyshohet se avulli i nxehtë brenda pusetës, rreth 3 metra të thellë, i shkaktoi arrest kardiak. Familjarët e Donika Gocajt thanë se janë të tronditur dhe se po përpiqen të kuptojnë si ndodhi tragjedia në një nga zonat më të frekuentuara të Neë York-ut.