Është ulur numri I viktimave në vendin tonë nga koronavirusi. Gjatë 24 orëve të fundit 3 qytetarë nuk e kanë fituar betejën me COVID19; 2 prej tyre ishin nga Tirana dhe 1 nga Fieri, të moshave nga 65 deri në 81 vjeç. Në total numri I viktimave nga COVID, që nga fillimi I pandemisë ka shkuar në 1193. Nga ana tjetër numri I rasteve të reja vazhdon të jetë në trendin e ditëve të fundit. Këshu sipas raportit zyrtar të Ministrisë së Shëndetësisë në 24 orët e fundit janë kryer 2,309 testime dhe kanë rezultuar pozitivë 447 qytetarë. Rastet pozitive të konfirmuara janë identifikuar në këto bashki: 130 raste në Tiranë, 34 raste në Durrës, 30 raste në Kuçovë, 27 raste në Lezhë, 18 raste në Vlorë, 17 raste në Lushnje, 15 raste në Shkodër dhe më pak raste janë në bashkitë e tjera në të gjithë vendin. Në 24 orët e fundit janë shëruar 295 qytetarë, duke e çuar numrin e të shëruarve 34,648 që nga fillimi i epidemisë. Aktualisht në 4 spitalet COVID, po trajtohen 295 pacientë, 32 në terapi intensive nga të cilët 4 pacientë janë të intubuar.