Nga e shtuna në orën 18.00, një litër naftë do të kushtojë 237 lekë nga 243 që ishte më parë, benzina rritet me 4 lekë dhe do të shitet tani me 227 lekë për litër ndërsa gazi do të shitet me 100 lekë, një ulje me 6 lekë për litër nga vendimi i mëparshëm. Këto janë cmimet e përcaktuara nga Bordi i Transparencës i cili ka lajmëruar se ato do të hyjnë në fuqi nga kjo pasdite dhe do të mbeten deri në vendimin e tij të radhës. Sipas njoftimit të Bordit, cmimi i shitjes me pakicë i nënproduktit gasoil i standardit SSH EN 590 do të jetë 237lekë/litri, ndërsa i shitjes me shumicë 225lekë/litër. Çmimi i shitjes me pakicë i nënproduktit benzinë e standardit SSH EN të jetë 227 lekë/litri,ndërsa i shitjes me shumicë 215 lekë/litër.