Ulet çmimi i naftës dhe benzinës në pikat e karburanteve në vend. Bordi i Transparencës caktoi nivelin e ri të çmimeve, duke marrë për referencë luhatjet në bursën Platss. Më këtë vendim, nafta është ulur me tre lekë për litër, benzina me një lekë, ndërkohë që gazi ka mbetur në nivel konstant. Sipas njoftimit të bordit të transparencës, duke filluar nga kjo e enjte, nafta do të tregtohet me 197 lekë për litër, duke ndjekur një trend rënës krahasuar me çmimin 200 lekë për litër që u vendos në vendimin paraprak të bordit.