Kanë pësuar rënie të ndjeshme rastet e infektimeve të reja me coronavirus në vendin tonë. Ministria e Shëndetësisë raportoi të hënën për 285 raste të reja me Covid 19, si rezultat i 1893 testimeve të kryera ndaj personave të dyshuar. Kjo është shifra më e ulët e infektimeve përgjatë 3-4 muajve të fundit, kur kurba e të prekurve ka pësuar vetëm rritje, duke kulmuar gjatë muajit shkurt kur arriti pikun dhe rastet ditore ishin mbi 1000. Gjithësesi siç mund të viteh re i ulët ka qenë edhe numri i testimeve në këto 24 orë. Edhe Tirana që ka numrin më të lartë të infektimeve si rrallë ndonjëherë ka shënuar pak raste, 67, 21 janë shënuar në Fier, 19 në Korçë, 18 në Shkodër, 17 në Elbasan, 14 në Vlorë, nga 13 raste në Durrës, Gjirokastër, 11 në Berat, nga 7 raste në Lezhë, Lushnje, Sarandë dhe më pak raste në bashkitë e tjera të vendit. Në 24 orët e funDit, i ulët ka qenë edhe numri i viktimave, janë 6 persona që kanë humbur jetën pasi ishin prekur me koronavirus dhe ishin duke u trajtuar në spitalet covid , 3 qytetarë nga Tirana, 2 qytetarë Nga Fieri, 1 qytetar nga Saranda, të moshave 54- 83 vjeç. Pas këtyre viktimave numri i jetëve të humbura që nga filllimi i pandemisë ka shkuar në 2216. Aktualisht në spitalet COVID në Tiranë dhe tre spitalet rajonale po trajtohen 311 pacientë, 16 në terapi intensive, nga të cilët 7 pacientë janë të intubuar. Në 24 orët e fundit janë shëruar 568 qytetarë, duke e çuar numrin e të shëruarve në 90, 024 që nga fillimi i epidemisë, ndërsa numri i rasteve aktive është 32 179. Në total numri i rasteve pozitivb në vendin tonë ka arritur në 124 419 persona. Ministria e Shwndetësisë u ka bërë sërish thirrje qytetarëve që të mos e ulin vigjilencën dhe të vijojnë të zbatojnë rregullat për parandalimin e COVID19, vendosja e maskës mbrojtëse në çdo ambient jashtë shtëpisë, shmangja e grumbullimeve, ruatja e distancimit fizik si dhe vetëizomi në rastet kur dyshojnë se janë prekur nga infeksioni.