Një dron hipersonik, misterioz është pikasur në një bazë ajrore kineze. Imazhet e reja vijnë ndërsa Pentagoni po heton nëse mjetet ajrore të avancuara të Pekinit, që mund të operohen me inteligjencë artificiale, janë UFO-t që ngacmuan avionët ushtarakë amerikanë. Kina besohet prej kohësh se ka dronë të aftë të veprojnë me shpejtësi hipersonike dhe hetuesit amerikanë kanë thënë se ata mund të jenë objektet misterioze të filmuara në qiej afër luftanijeve dhe avionëve ushtarakë amerikanë. Foto të reja, tani janë shfaqur që tregojnë atë që ëebsite-i i specializuar në mbrojtje, EurAsian Times, beson se është një dron hipersonik kinez, ndoshta Sharp Sëord. Imazhet janë marrë në një bazë ajrore në provincën e Xinjangut dhe tregojnë një mori dronësh të renditur në një pistë me stemën e shpatave të kryqëzuara të dukshme mbi ta. Baza ajrore dihet se është në avangardë të përpjekjeve të vendit për zhvillimin e mjeteve ajrore ushtarake pa pilotë.