Policia e Durrësit ka sekuestruar 29 kallëpe lende eksplozive dhe 15 kapsolla si dhe ka arrestuar në flagrancë dy shtetasit që e dispononin atë. Arrestimi i tyre është bërë gjatë operacionit të koduar ‘Trajektorja’. Sipas njoftimit zyrtar mësohet se shërbimet e Policisë, pas informacionit të siguruar në rrugë operative se në drejtim të Durrësit po lëvizte një automjet me 2 persona, të cilët kishin vendosur në bagazh një sasi të konsiderueshme lënde eksplozive, menjëherë kanë organizuar punën dhe në Sukth kanë ndaluar mjetin me të cilin po lëviznin shtetasit me B. B. dhe Sh. T. Pas kontrollit të ushtruar në bagazhin e mjetit janë gjetur dhe sekuestruar në cilësinë e provës materiale 29 kallëpe me lëndë eksplozive, me peshë 18 kg, si dhe 15 kapsolla detonatore, të cilat këta shtetas do t’i shisnin kundrejt vlerës 12.000 euro. hetimi po vijon më tej nën drejtimin e Prokurorisë për identifikimin dhe kapjen e personave të tjerë të implikuar në këtë veprimtari kriminale.