Pak ditë para tërheqjes përfundimtare nga Afganistani të trupave ndërkombëtare, u bë i mundur evakuimi nga vendi i rreth 200 qenve dhe maceve nga vendi që ra në duart e talebanëve. Disa shoqata humanitare përdorën fondet e mbledhura nga donacione apo qeveri të ndryshme për të shpëtuar kafshët. Madje, rezultoi se shoqatat dhe grupet që teorikisht duhej të mbështesnin dhe promovonin të drejtat e njeriut në afganistan, kishin financuar ngritjen e strehave të sigurta për kafshët endacake, sipas modeleve perëndimore. Por, në një vend ku ka pak vlerë jeta njerëzore, projekte të tilla mund të konsiderohen të pamatura, pasi vetë shoqëria afgane vështirë ta kuptojë se edhe kafshët kanë të drejtat e tyre, ashtu sic konceptohet në perëndim. Në britaninë e madhe, e gjithë kjo ka ndezur polemika pasi gjithcka ka ndodhur në një kohë kur me mijëra njerëz ishin në rrezik e madje edhe humbën jetët në përpjekje për tu larguar nga afganistani i rënë në duart e talebanëve. U zbulua edhe se një numër i madh aktivistësh perëndimorë u angazhuan në afganistan në një mision sekret për shpëtimin e kafshëve, në një kohë që në vend mbetën të bllokuar shumë afganë që gjatë 20 viteve kishin ndihmuar perëndimin dhe sot janë në rrezik. Është raportuar edhe se avionë të posacëm të financuar nga aktivistët për mbrojtjen e kafshëve, kanë fluturuar nga Kabuli në ditët e trazirave. Dhe të paktën në një rast, një avion charter ka larguar nga afganistani 200 qen e mace, pjesë e një strehe që drejtohej në afganistan nga një ish ushtarak britanik.