Ish-Sekretari Amerikan i Shtetit, Mike Pompeo, vizitoi vendin tonë, në kuadër të kremitimit të 100-vjetorit të vendosjes së marrëdhënieve Shqipëri-SHBA. Gjatë fjalës së tij në praninë e kryeministrit dhe përfaqësuesve të opozitës, Pompeo ceku faktin se Kim është emëruar nga administrata Trump, ndonëse ajo sot punon për Biden. Ndërkohë duke folur rreth marrëdhënieve dypalëshe ai u shpreh: “Kjo marrëdhënie e fortë e ndërtuar mes kombeve të ndryshme dhe Shqipërisë është e veçantë në 30 vitet e fundit për të konsoliduar demokracinë. Tani po shohim në Ukrainë që edhe pas Luftës duhet ta ndihmojmë të rindërtohet. Kjo është diçka që ne do të punojmë së bashku. Unë e shoh që kjo miqësi do të ketë edhe 100 vite të tjera edhe më të suksesshme. Unë kam shërbyer si me opozitën dhe shumicën, s’ka rëndësi. Duhet vullnet i mirë për të shkulur korrupsionin dhe konsoliduar demokracinë”.