Një 34-vjeçar nga Lushnja ka përfunduar në prangat e policisë, pasi u kap duke transportuar klandestinë drejt kryteqytetit, me mjetin e tij tip Opel. Shtetasi i identifikuar si Adnand Hoxha u arrestua në flagrancë me 22 emigrantë në mjetin e tij, në aksin rrugor Përmet-Këlcyrë, pas informafcioneve që kishte marrë policia në rrugë operative. Klandestinët ishin emigrant kryesisht nga Lindja e Mesme, të cilët ishin futur ilegalisht pranë pikës kufitare të “tre Urave” në kufi me Greqinë. Kur mësoi se ishte në ndjekje nga policia, 34-vjeçari provoi të largohej me shpejtësi dhe si pasojë përplasi dy mjete në rrugë si dhe plagosi lehtë një punonjës të policisë. Ky I fundit mori ndihmën mjekësore në spitalin e Gjirokastrës, ndërsa 34-vjeçari u vu në pranga dhe u shoqërua në ambientet e policisë. Ndaj tij do të ngrihen akuzat për veprat penale si “Ndihmë për kalim të paligjshëm të kufirit” dhe “Kundërshtim I forcave të policisë”.