Turqia do të nisë të martën një proces normalizimi, duke parë uljen e rasteve me koronavirus që erdhi rezultat i aplikimit të masave të rrepta shtrënguese muajt e fundit. Por ky normalizim duhet të shoqerohet me një shtim të numrit të vaksinimeve. Sipas mediave lokale, planifikohet administrimi i të paktën 5 milion dozave cdo javë, deri sa vendi të arrijë imunitetitn e tufës. Deri të hënën Turqia ka bërë 29 milion doza vaksinash, me më shumë se 12.4 milion njerëz që kanë marrë edhe dozën e dytë. Pararojë në vaksinime janë qytetet e mëdha si Stambolli, Ankaraja dhe Izmiri, me Stambollin që mban rekordin prej 4.7 milionw dozash deri tani. Autoritetet kanë plane edhe për një dozë të tretë, 6 muaj pas të dytës për ata që kanë marrë vaksinën kineze Coronavac, dhe 9 muaj pas të dytës për ata që kanë marrë vaksinën Pfizer-BioNTech. Megjithatë, vazhdon debati a duhet përdorur apo jo e njëjta markë markë vaksine për dozën e tretë. Përdorimi i një vaksine tjetër për dozën e tretë do të kishte leverdi sidomos për ato vende që nuk e kanë të lehtë të sigurojnë të njëjtën markë vaksine. Turqia po konsideron importimin e vaksinës ruse Sputnik V, teksa po punon paralelisht edhe për prodhimin e vaksinave në vend deri nga fundi i vitit. Ministria e Shëndetësisë po bën edhe një studim mbi antitrupat duke marrë kampione të rastësishme nga personat e vaksinuar, për të ndërtuar kështu një hartë të imunitetit të tufës në vend dhe për të përcaktuar afatin e dozës së tretë.