Presidenti amerikan, Donald Trump priti këtë të hënë në Shtëpinë e Bardhë kryeministrin izraelit Benjamin Netanyahu, duke theksuar se shpreson në arritjen e një marrëveshjeje për luftën në Gaza. Takimi vjen në një kohë kur Shtetet e Bashkuara kanë prezantuar një plan prej 21 pikash para të dyja palëve për t’i dhënë fund luftës, ku parashikohet lirimi I pegjeve nga ana e Hamas dhe çarmatosja e gjithë grupit militant por dhe tërheqja e ushtrisë izraelite si dhe rindërtimi I Gazës. Trump tha të dielën në rrjete sociale se “të gjithë pajtohen për diçka speciale për herë të parë”. Ndërkohë Netanyahu, në anën tjetër, ka dhënë pak arsye për shpresë, pasi në fjalimin e mbajtur të premten në Kombet e Bashkuara, ai është zotuar për “të përfunduar punën” kundër Hamasit dhe e ka kundërshtuar shtetin e Palestinës– që është njohur së fundmi nga disa shtete perëndimore. Lufta me Izraelit dhe Hamas vijon nga viti 2023, kur grupi militant sulmoi fillimisht I pari dhe më pas Tel Avivi u kundërpërgjigj me gjithë forcën ushtarake. Ofensiva izraelite në Gazë ka lënë të vdekur mbi 66 mijë palestinezë, kryesisht civilë, sipas të dhënave të autoriteteve shëndetësore palestineze.