Në një prej korridoreve detare më të rrezikshme dhe strategjike në botë, Ngushticën e Hormuzit, notari britanik i qëndresës dhe aktivisti mjedisor Lewis Pugh ka ndërmarrë një sfidë të pazakontë. Ai përshkoi me not një distancë prej 15 kilometrash për të tërhequr vëmendjen botërore mbi katastrofën ekologjike që po shkakton lufta në rajon. Gjatë rrugëtimit të tij treditore në këto ujëra të trazuara, Pugh u gjend fare pranë zonave të konfliktit, duke dëshmuar nga afër sulme dhe shpërthime pranë anijeve cisternë dhe transportuesve të gazit. Përmes kësaj nisme, ai paralajmëroi se çdo goditje ndaj anijeve tregtare rrezikon derdhje masive nafte që do të shkatërronin përgjithmonë jetën detare dhe ekosistemin e Gjirit Persik. Duke dalë nga uji, notari britanik u bëri thirrje liderëve botërorë që të ndalin menjëherë luftimet dhe të mbrojnë natyrën nga kostot e pariparueshme të konflikteve të armatosura.