Presidenti i Shteteve të Bashkuara, Donald Trump, shprehu shqetësim lidhur me përkeqësimin e situatës humanitare në Gazë dhe i bëri thirrje Izraelit që t’u sigurojë njerëzve ushqim. Nga Skocia, Trump tha se SHBA-ja dhe vende të tjera po japin para dhe ushqim për Gazën, por kryeministri izraelit, Benjamin Netanyahu, duhet “të kujdeset, për ta menaxhuar” procesin e dërgimit të ndihmave. “Dua që ai të sigurohet që ata të marrin ushqim”, tha Trump. “Dua të sigurohem që ata të marrin ushqim”. Ushtria izraelite gjatë fundjavës nisi lëshimin e ndihmave nga ajri, si dhe nisi pauza të kufizuara në luftime në tri zona të banuara të Gazës për dhjetë orë në ditë, në mënyrë që të ndihmojë me shpërndarjen e ndihmave, shkruan Radio Europa e Lirë. Të premten e kaluar, Trump foli për situatën në Gazë, pasi SHBA-ja dhe Izraeli tërhoqën ekipet negociuese nga bisedimet në Katar për një marrëveshje armëpushimi. Ai tha se Hamasi “me gjasë do të përndiqet” derisa të eliminohet.