Ambasadorja amerikane në Tiranë, Yuri Kim ka reaguar me një postim në Twitter, pas trazirave të dhunshme në Kongresin e SHBA, ku mbështetësit e Presidentit Donald Trump sulmuan Kapitolin për të ndërprerë certifikimin e Joe Biden si presidenti i ardhshëm i vendit. Ambasadorja Kim thotë se demokracia nuk është e lehtë dhe s’duhet marrë si e mirë qenë, por ata që besojnë tek demokracia, përfshirë dhe shqiptarët, duhet të angazhohen që ta çmojnë dhe mbrojnë atë gjithmonë. “SHBA do të dalin më të fortë dhe më të mençur pas kësaj prove të demokracisë sonë”, shprehet Kim. “Shumë miq shqiptarë kanë shprehur tronditjen dhe shqetësimin rreth sulmit të fundit në Kapitolin e SHBA. Unë do të doja të ju falënderoj që na qëndroni pranë, ka shtuar amabasadorja amerine ne postimin e saj. Dje, Presidenti Trump bëri të qartë se SHBA është dhe duhet të mbetet një komb i rendit dhe sundimit të ligjit, dhe ata që shkelën ligjin do të paguajnë çmimin. Presidenti Trump gjithashtu e bëri të qartë se Kongresi ka certifikuar rezultatet e zgjedhjeve dhe ai tani është përqendruar në sigurimin e një tranzicioni të qetë, të rregullt të pushtetit në 20 Janar. Ajo që SHBA i këshillon të tjerëve, vlen edhe për ne: liria e fjalës dhe e drejta e tubimeve janë thelbësore për demokracinë, por kjo liri dhe e drejtë nuk duhet të shndërrohet në paligjshmëri dhe dhunë ndaj vetë demokracisë, përfshirë tranzicionin paqësor të pushtetit, Ambasadorja amerikane në Tiranë, Yuri Kim.