Kombëtarja shqiptare për herë të dytë në historinë e saj siguron pjesëmarrjen në një evropian sic është Euro 2024. Një meritë të madhe në këtë sukses ka trajneri Sylvinho që foli për këtë eksperiencë në një intervistë për të përditshmen italiane ‘Corriere Della Sera’ duke filluar nga shorti i hedhur pas kualifikueseve. Sinkron Sylvinho: ‘Nuk u mërzitëm për shortin, duam të përballemi me më të mirët. Jemi një Kombëtare e re, në pjesëmarrjen e dytë në Evropian pas asaj të vitit 2016 me De Biasin. Jemi rritur shumë dhe duhet të mësojmë shumë. Duam të shfrytëzojmë me përgjegjësi këtë moment. Jemi të karikuar’. Trajneri Sylvino tha se sheh Italinë si favorite në këtë ndeshje dhe se cfarë pret prej saj: Sinkron Sylvinho: ‘Italia favorite? Është e drejtë që të jetë kështu, por futbolli është cmenduri; mund të ndodhë gjithcka. Spalletti është një prej trajnerëve më të mirë. Unë pres një Itali shumë të organizuar, skuadër të vështire, të fortë në fazën e tranzicionit, që nëse duhet mbron me 11 lojtarë e niset me 7 futbollistë në kundërsulm. Një skuadër shumë e fortë në situatat 1 për 1 dhe ka një bosht të përbërë me lojtarë të interit që luajnë përmendësh;