Tronditet për herë të dytë qyteti i Gjirokastrës. Një adoleshent dyshohet se i ka dhënë fund jetës së tij këtë të dielë, për motive ende të paqarta qoftë nga familjarët apo edhe nga policia. 17 vjecari u gjet pa shenja jete mesditën e kësaj të diele brenda banesës së tij në fshatin Valare të Gjirokastrës. Ndonëse ai u transportua në Spitalin Rajonal të Gjirokastrës, ishte e kotë pasi adoleshenti kishte ndërruar jetë. Familjarë të të ndjerit thonë se i riu vuante nga probleme izolimi dhe melankolie, por po merrte ndonjë trajtim mjekësor. Ekspertiza mjekologjore pritet të zbulojë shkakun e vdekjes së të riut. Policia ndërkohë ka sekuestruar disa sende personale të 17 vjecarit, mes të cilave edhe celularin e tij, teksa në pyetje grupi hetimor do të marrë familjarët, pore dhe bashkëmoshatarët e të ndjekur, shokët e tij të shkollës së mesme “Siri Shapllo”, për të parë në rast se ndonjë e dhënë do ndihmojë policinë të zbardhë ngjarjen e rëndë. Kjo është ngjarja e dytë e kësaj natyre e shënuar po në Gjirokstër, ku dy muaj më parë një tjetër 17 vjecare i dha fund jetës. Të dyja këto tragjedi kanë tronditur të gjithë komunitetin dhe ka ngritur alarm sidomos për mënyrën se si po qasen adoleshentët në shkollë, në shoqëri apo edhe si ata po përballen me botën e errët të rrjeteve sociale.