Policia e Vlorës ka vënë në pranga një tjetër person të përfshirë në rastin e trafikimit të emigrantëve me skaf drejt Italisë. Nga hetimi intensiv i ngjarjes nën drejtimin e prokurorisë strukturat antitrafik kanë vënë në pranga 26 vjeçarin Emiljano Likaj- Gacaj nga Vlora, që ka qenë edhe drejtuesi i mjetit lundrues ku ndodheshin rreth 50 shtetas sirianë me qëllim trafikimin e tyre drejt Italisë. Pas arrestimit të 26 vjeçarit skafist, ka shkuar në tre numri i të arrestuarve të përfshirë në këtë rrjet trafiku. Menjëherë pas ngjarjes policia vuri në praga edhe dy personat përgjegjës të hoteleve ku strehoheshin emigrantët. Rreth dy janë më parë në grykëdredhjen e Vjosës, skafi me emigrantët në bord për shkak të dallgëve dhe ererëve të forta ka qëndruar disa orë në det duke rrezikuar edhe mbytjen e personave. Ka qenë një prej emigrantëve që ndodhein në skaf që kanë njoftuar sallën operative të polciisë për ndihmë. Atyre u erdhi për ndihme një mjet lundrues i Rojes Bregdetare dhe dy mjete të Guardia di Finanzas italiane. shumica e emigrantëve të ndaluar, ku mes tyre kishte edhe fëmijë, u trajtuan për ndihmë në spital. Emigrantët sirianë deklaruan për policinë se kanë paguar shuma të konsiderueshme për të mbërritur në itali. Materialet iu referuan Prokurorisë së Rrethit Gjyqësor Vlorë, për veprën penale “Ndihma për kalim të paligjshëm të kufirit”.