Nën masa të rrepta sigurie janë paraqitur në Gjykatën e Vlorës 28 personat e arrestuar dy ditë më parë për kultivim dhe trafikim të lëndëve narkotike, ndërsa për 4 të tjerët te shpallur në kërkim është bërë vlerësimi i masës në mungesë, kërkuar nga priokurori i çështjes Maksim Sota. Në përfundim të seancës, gjyqtarja Elona Mihali, ka vendosur arrest shtëpie për 4 prej të akuzuarve të shpallur në kërkim, përkatësiht dy 2 gra nga gjirokastra dhe dy burra, për 27 prej të pranishmëve është vendosur masa e sigurisë arrest me burg, ndërsa 1 prej tyre është lënë në arrest shtëpie, pasi ka rezultuar pozitiv me covid 19. David Fakaj, 1 prej të arrestuarve është një efektiv policie i komisariatit të Himarës, Isa Jashaj është i shpallur në kërkim ndërsa tre efektivë të tjerë janë pezulluar nga detyra dhe po hetohen në gjendje të lirë. efektivët e policisë, akuzohen se kanë kanë favorizuar një pjesë prej të arrestuarve në kultivimin e kanabisit ose kanë qenë të përfshirë në trafik. Aksioni i ndërmarrë nga drejtoria e policisë së Vlorës u shtri në fshatrat e lumit të Vlorës ,në Vlorë, Himarë, Sarandë por dhe në gjirokastër, ndaj personave të shpallur në kërkim më herët për trafikim dhe kultivim të lëndëve narkotike.