Të paktën pesë persona janë vrarë në alabama ndërsa tornadot u përplasën mbi shtetin jugor amerikan. Viktimat u shënuan në një qytezë të vogël, Oatchee, në kontenë Calhoun, tha agjencia lokale e emergjencave sipas të cilës, stuhia kishte dëmtuar shtëpi dhe kishte shkulur pemë me rrënjë. Tornadot më pas goditën kontenë Chilton dhe iu afruan edhe kontesë Shelby. “I kërkojmë të gjithë personave në rrugën e këtyre tornadove dhe sistemeve të stuhive që të qëndrojnë në gadishmëri. Dita nuk ka përfunduar ende”, tha guvernatori Kay Ivey. Përdoruesit e rrjeteve sociale ndërkohë postuan imazhe dramatike të tornadove që lëviznin shpejt dhe mbillnin shkatërrim në Alabama. Në 2019, më shumë se 20 persona, mes të cilëve edhe fëmijë, humbën jetën pasi dy tornado shkaktuan dëme të mëdha në ndërtesat dhe rrugët e Alabamës lindore. Zonja e parë Jill Biden ka anuluar një udhëtim në shtet, bashkë me aktoren jenifer garner, për shkak të stuhive. Zonja Biden do të ndalej në Birmingham për të diskutuar për përfitimet e paketës së sapomiratuar të ndihmës për pandeminë.