Përvec vdekjeve natyrore, vrasjeve, aksidenteve apo cfarë do lloj faktori tjetër që ndikon në marrjen e një jete, edhe pandemia e Covid 19 në dy vitet e fundit është kthyer në një faktor kryesor, i cili ka rritur ndjeshëm numrin e viktimave në vend, duke bërë kështu që popullsia e vendit të pësojë një tkurrje. Nga të dhënat zyrtare të deklaruar cdo ditë nga Ministria e Shëndetësisë janë raportuar rastet e infektimit, pacientët e shëruar si dhe viktimat, duke sjellë kështu edhe një shifër totale të këtyre përgjatë dy viteve në vendin tonë. Sipas të dhënave zyrtare, që nga fillimi i pandemisë deri më sot 3 mijë e 402 persona kanë humbur jetën si pasojë e koronavirusit. Në vetëm tre mujorin e fundit të vitit 2021, pati 7 mijë e 837 humbje jete, të shkaktuara nga faktorët e lartpërmendur. Vetëm në periudhën tetor dhjetor të vitit të kaluar, popullsia e vendit është tkurrur me 900 persona. Në tremujorin e katërt të vitit 2021, pesë qarqe të vendit patën një rritje të popullësisë, ndërsa në 7 qarqe të tjera popullësia u tkurr për shkak të vdekjeve. Katër qarqe të vendit shënuan shtesë natyrore pozitive të popullsisë, ndërsa në tetë qarqet e tjera shtesa natyrore e popullsisë ishte negative.