Top News – Tjetër vendimmarrje e Bordit për karburantet/Sa do të tregtohen nafta për konsumatorët

Pa kaluar ende 24 orë nga vendimi për ndryshimin e çmimeve të hidrokarbureve në vendin tonë, bordi i transparencës ka marrë një tjetër vendimmarrje në lidhje më tregtimin e tyre Duke marrë për referencë ndryshimet në bursën Plats, anëtarët e bordit vendosën një tjetër ulje të çmimit të shitjes së naftës me katër lekë për litër, ndërkohë që po me 4 lekë kësaj herë shtenjtohet benzina, teksa gazi ka mbetur në po të njëjtin nivel tregtimi. Ministria e Financave dhe Ekonomisë sqaron se duke filluar nga kjo e mërkurë, nafta do të tregtohet me një çmim tavan prej 232 lekë për litër, nga 236 që u vendos një ditë më parë. Benzina është shtrenjtuar dhe tashmë në pikat e karburanteve në vend do të shitet me 212 lekë për litër. Ndërkohë gazi do të vijojë të shitet me 74 lekë për litër.