Pas dy ndeshjeve radhazi pa fitore, Tirana rigjen suksesin në Abissnet Superiore. Skuadra bardheblu undi në transfertë Egnatian me rezultatin 2-0 duke marrë 3 pikë shumë të rëndësishme që e lënë ende në krye të klasifikimit. Tirana ishte dominuese në lojë teksa kërkoi me ngulm të shënonte në portën e Egnatias dhe golin që zhbllokoi rezultatin e gjeti në minutën e 38 me Ismajlgecin pas një kombinimi të këtij të fundit me Taulant Seferin. Nuk kaluan shumë minuta dhe Tirana shënoi edhe golin e dytë me Ngoo që dërgoi në rrjetë një top që nuk u prit mirë nga portieri i Egnatias pas gjuajtjes së Seferit me anglezin që i jep fund kështu thatësirës së golit që i zgjaste që nga fillimi i sezonit. me këtë fitore, Tirana vazhdon të jetë 1 pikë para Kukësit me këtë të fundit që shënoi një fitore tenistike ndaj Kastriotit me rezultatin 6-1. verilindorët nuk treguan aspak mëshirë për krutantë në këtë ndeshje që e dominuan nga minuta e parë deri tek e fundit. Kukësi zhbllokoi rezultatin në minutën e 24 me Feijaon, ndërsa 3 minuta nga fundi i pjesës së pare Milunovic shënoi edhe golin e dytë duke bërë që skuadrat të shkojnë në dhomat e zhveshjes me avantazhin 2-0 të skuadrës së Kukësit. Kukësi vijoi shënimin e golave edhe në pjesën e dytë