Rusia dhe Ukraina kanë shkëmbyer robër lufte, me secilën palë që ka liruar 103 persona, citoi agjencia e lajmeve Interfax të shtunën ministrinë ruse të mbrojtjes. Ministria tha se ushtarët rusë të shkëmbyer së fundmi ishin zënë rob në rajonin e Kurskut në Rusi. Ndërsa mes të burgosurve ukrainas të luftës, kishte nga ata që qëndronin në burgjet ruse prej më shumë se dy vjetësh e gjysmë. Tetyana Bugay shpërtheu në lotë ndërsa telefonoi motrën e saj për të njoftuar se më në fund ishte kthyer në Ukrainë pas më shumë se dy vjetësh. Mjekja 29-vjeçare nga brigada Azov e Ukrainës u kap gjatë rrethimit të Mariupolit, një qytet në jug të Ukrainës, të cilin trupat ruse e rrethuan dhe e rrafshuan me tokën. Rrethimi zgjati nga shkurti deri në maj 2022 dhe përfundoi me dorëzimin e mbi 2,000 luftëtarëve. "Të lutem mos qaj se do mërzitem shumë... Së shpejti do jemi bashkë, të dua shumë. Thuaju të gjithëve se jam në shtëpi?", thotë ajo. AFP ishte e pranishme në shkëmbimin e rrallë në një vend të pazbuluar pranë kufirit me Bjellorusinë dhe foli me disa nga ukrainasit e liruar. Luftëtarët e brigadës Azov, që mbrojtën metalurgjikun e Azovstalit në Mariupol, u kthyen në një shkëmbim të tillë, për herë të parë në më shumë se një vit. Rusia tenton t'i mbajë sa më gjatë këta të burgosur, pasi historia e brigadës dhe roli i saj në rrethimin e Mariupolit, i ktheu luftëtarët në një mjet pazaresh për Moskën. Perspektiva e lirimit është e vakët për luftëtarët e brigadës azov, që është kritikuar me vite me radhë nga kremlini me akuza për neo-nazizëm. Këto akuza vetë brigada i mohon fuqishëm ndërkohë që moska ndjek penalisht ushtarët e brigadës në gjyqe të rregullta për shou.