Një nga tërmetet më të fuqishme që ka goditur Napolin në dekada ka tronditur qytetin italian dhe rajonin përreth duke i bërë njerëzit të vrapojnë në rrugë. Banorët vendas raportuan se dëgjuan një 'zhurmë' dhe ndjenë një 'dridhje të fortë' ndërsa tërmeti me magnitudë 4.6 goditi rreth orës 9:15 të mëngjesit. Epiqendra e tërmetit ishte pranë bregut të Fushave Flegreje që ndodhen mbi një kalderë vullkanike në perëndim të qytetit, në një thellësi prej 2.4 km. Shumë banortë që jetojnë aty pranë, në qytetin bregdetar të Banjolit, thanë se 'dukej sikur të kishte shpërthyer një bombë' kur goditi tërmeti. Ekspertët matën të njëjtën magnitudë me një tërmet të regjistruar në rajon më 13 mars. Trafiku hekurudhor është pezulluar përkohësisht në qytetin që është shtëpia e më shumë se 900,000 njerëzve. Deri më tani nuk janë raportuar të lënduar ose dëme të konsiderueshme, me shërbimet e emergjencës që po vlerësojnë situatën në terren. Lëkundjet e tokës janë pjesë e një vale sizmike, me vëzhguesit që kanë regjistruar shumë të tilla pak para orës 9 të mëngjesit dhe paralajmërojnë se nuk mund të përjashtohen edhe lëkundje të tjera toke. Observatori i Vezuvit regjistroi gjithashtu një seri tërmetesh të vegjël gjatë natës, secili jo më i madh se magnituda 1. Tërmeti, me të njëjtën magnitudë si ai që ndodhi në mars dhe maj 2024, ishte më i forti që kur rajoni filloi të regjistronte tërmetet rreth 40 vjet më parë. Tërmeti më i fortë që ka goditur qytetin jugor italian kohët e fundit është ai me magnitudë 6.9, i regjistruar në nëntor 1980 dhe që mori 2,734 jetë. Tërmeti shkatërrues plagosi gjithashtu më shumë se 8,800 njerëz dhe shkatërroi më shumë se 300 komuna.