Një seri tërmetesh të forta kanë dridhur Kinën jugperëndimore duke i marrë jetën të paktën dy personave, thanë zyrtarët lokalë dhe sizmiologët mëngjesin e të shtunës. Provinca Qinghai në veriperëndim të pllajës tibetiane dhe Yunnan në kinën jugore, janë zona të ekspozuara ndaj tërmeteve. Dhe tërmetet u regjistruan në thellësi të vogël duke bërë që të shkaktonin më shumë dëme. Tërmeti në Yunnan, që kishte një manjitudë 6.1, u regjistrua të premten në mbrëmje afër qytetit Dali, një destinacion turistik. Dy persona u konfirmuan ndërkohë të vdekur në zonën malore. Më pas, agjencia e lajmeve Xinhua, raportoi se të paktën 22 të tjerë ishin lënduar. Dy orë më vonë, por 1200 kilometra larg, një tërmet me manjitudë 7.3 tronditi provincën Qinghai të kinës, në veri perëndim, pas të cilit vijuan edhe pas tërmete të tjerë.