Top News -Telashet nuk kanë të sosur për Tahirin!/SPAK, rekurs në Gjykatën e Lartë për ish-ministrin

Beteja në gjyqësor e ish ministrit të brendshëm, Saimir Tahiri nuk ka përfunduar ende. Edhe pse tashmë ndodhet në burg pas një vendimi të formës së prerë, SPAK ka depozituar një kërkesë për rekurs në Gjykatën e Lartë për vendimin e Apelit të Gjykatës kundër Korrupsionit dhe Krimit të Organizuar, i cili e dënoi Tahirin me 3 vite e 4 muaj burg vetëm për shpërdorim deyre. SPAK e argumenton dënimin e Tahirit si të pamjaftueshëm, pasi u rrëzuan akuzat e tjera për implikimin e Saimir Tahirit në trafik droge në kuadër të grupit të strukturar kriminal. Pas pesë vitesh seancash gjyqësore për dosjen e Tahirit dhe provave të konsiderueshme të mbledhura nga SPAK, ish ministri i brendshëm u dënua me vetëm 3 vite e 4 muaj burg.