Komisioni i Përzgjedhjes mbylli Fazën e Intervistës dhe përzgjedhjes së kandidatëve, për fazat e mëtejshme të konkurrimit. Në faqen e saj zyrtare Byroja Kombëtare ka shpallur listën me kandidatët e kualifikuar, të cilët janë 39 deri më tani. Kandidatët e kualifikuar, do të plotësojnë deklaratën e pasurisë dhe interesave private të kandidatit për pozicione të ndryshme në institucionet e sistemit të drejtësisë. Sipas njoftimit, deklarata e pasurisë e plotësuar duhet të dërgohet e skanuar në adresën zyrtare të Byrosë Kombëtare të Hetimit, e cila më pas do të kryejë procedurën e testit të poligrafit për kandidatët e kualifikuar. Faza e Intervistës u zhvillua nën vëzhgimin dhe monitorimin e Komisionit Ndërkombëtar të Ekspertëve, të caktuar nga misionet e Qeverisë së Shteteve të Bashkuara të Amerikës dhe Bashkimit Europian në Shqipëri.