Është arrestuar zyrtarisht si autor i vrasjes piloti 32 vjeçar Babis Anagnostopoulos, bashkëshorti i Carolines e gjetur e vdekur në banesën e saj në lagjien Glika Nera të Athinës një muaj më parë. Sipas shefit të ekpit që hetoi ngjarjen, të dhënat që e lidhin bashkëshortin me vrasjen janë të shumta dhe të vertetuara shkencërisht. Burime policore thanë se autori e kishte kuptuar se laku i autoriteteve ishte shtrënguar shumë rreth tij dhe sapo është njoftuar një ditë më parë se duhet të paraqitej në drejtorinë e policisë së atikës për sqarime të mëtejshme, kishte kërkuar pak orë kohë kohë për të shkuar në ceremoninë e të 40-tave të viktimës si dhe të cmallej me të bijën 11 muajshe, për t’u vënë në dispozicion të drejtësisë në vazhdim. I sigurt se loja e tij kishte marrë fund dhe autoritetet do ta arrestonin, autori i dyshuar i krimit që tronditi Greqinë, sapo përfundoi ceremonia përkujtomore, zgjati duart ku pak minuta më vonë agjentët i vunë prangat për ta marrë me helikopter dhe ta dërguar në qelinë e sektorit kundër krimit në drejtorinë e policisë së atikës. Burime ekskluzive i thanë top ch se fillimisht Anagnostopolus nuk ka pranuar asnjë lidhje me ngjarjen, por është "thyer" në vazhdim, sapo ekspertët e policisë i vunë përpara provat, të cilat nuk mundi të justifikojë. Në vazhdim ai ka dhënë variantin e tij për ngjarjen dhe ka thënë se nuk donte ta kryente aktin, por çdo gjë ishte një aksident fatal. Kohët e fundit çifti kishte episode të ndryshme mosmarrëveshjesh mes njëri-tjetrit,por shkaqet e tyre ende nuk dihen.