TikTok raporton se ka shpërndarë reklama te 1.53 për qind e përdoruesve të tij në Shqipëri, të cilët janë mbi moshën 18 vjeçare. Të dhënat përfshijnë periudhën janar 2023 deri në janar të vitit 2024. Shifra përbën 63 për qind të numrit total të përdoruesve të këtij rrjeti social në vendin tonë. Kjo do të thotë se në total, nga vendi ynë janë afërsisht 2.4 milionë llogari të hapura në TikTok. Nëse nga kjo shifër zbritet shifra 1.5 milionë llogari, që kompania kineze thotë se janë mbi 18 vjeç, rezulton se në vendin tonë janë gati 1 milionë llogari ku fushatat publicitare të TikTok nuk kanë mbërritur. Ndërkohë, të dhënat e INSTAT nga censi i fundit i popullsisë tregojnë se numri i të miturve në grupmoshën 13 deri në 18 vjeç shkon në rreth 150 mijë vetë. Kjo sugjeron se të paktën një pjesë e të miturve kanë 2 ose më shumë llogari të hapura në TikTok.