Shtatori ishte më i nxehti i regjistruar ndonjëherë në glob, sipas shërbimit të motit Copernicus. Ai ishte 0.05 gradë celsius më i nxehtë se shtatori i një viti më parë, që në këmbim shënoi rekordin e mëparshëm. Shkencëtarët thonë se ky është një tregues i qartë se temperaturat po ngrihen si pasojë e emetimeve nga ana e njeriut. Copernicus, që është programi i vëzhgimit të tokës i bashkimit evropian, tha se nxehtësia në arktikun siberian, vazhdon të ngrihet mbi mesataren dhe konfirmoi se akulli në arktik është në nivelin e dytë më të ulët që kur regjistrimi i të dhënave nga satelitët ka filluar. Ky vit, parashikohet po ashtu të jetë më i nxehti i regjistruar ndonjëherë në Evropë edhe nëse temperaturat do të fillojnë të ulen që tani e tutje. I nxehti i shtuar në shkallë globale ka çuar në zjarre rekord në Kaliforni dhe Australi. Ai po ashtu ka bërë që të regjistrohet edhe dita më e nxehtë deri më sot, me temperaturën 54.4 gradë celsius të regjistruar në luginën e vdekjes, në ShBA. Po ashtu, rritja e temperaturave ka ndikuar edhe në rrebeshet e shiut që përmbytën jugun e Francës me më shumë se një gjysmë metri shi në ditë. Sipas ekspertëve francezë, reshje të tilla regjistroheshin një herë në 100 vite ndërkohë që vendi regjistroi dy në një javë.