Lideri i Koresë së Veriut, Kim Jong Un, inspektoi një njësi tankesh që pushtoi Seulin gjatë Luftës mes dy koreve, njoftuan mediat shtetërore të hënën, me udhëheqësin e Phenianit që raportohet se ka bërë thirrje për përgatitje mëintensive për luftë. Marrëdhëniet mes koreve janë në nivelin më të ulët në vite, me ushtrinë e Kim Jong Un që ka kryer së fundmi një varg testimesh të armëve të ndaluara, duke përfshirë edhe lëshimin e një rakete balistike dhe kryerjen e një testi tokësor të një "lloji të ri" të motorit të raketave hipersonike. Kim jong un vizitoi Divizionin e 105-të të Tankeve ‘Seul’ të dielën, tha Agjencia Qendrore Koreane e Lajmeve e cila publikoi imazhe në mediat shtetërore që tregonin liderin ndërsa rishikonte planet e sulmit të koresë së jugut. “Divizioni... ishte i pari që hyri në Seul dhe mbajti flamurin e koresë së veriut mbi ndërtesën e kongresit kukull”, tha KCNA. Njësia e tankeve "ka kryer bëma të mëdha në shumë beteja gjatë Luftës së kaluar Çlirimtare të Atdheut", tha KCNA, duke iu referuar Luftës Koreane të viteve 1950-53, e cila përfundoi me një armëpushim dhe jo me një traktat paqeje, që do të thotë se të dy vendet mbeten teknikisht në luftë. Kim Jong Un mbikëqyri stërvitjen e njësisë dhe shprehu "kënaqësi të madhe" që ekuipazhet e tankeve ishin përgatitur mirë dhe treguan "vullnet të fortë për të asgjësuar armikun", raportoi KCNA. Ai gjithashtu bëri thirrje për më shumë "edukim ideologjik" për të ndihmuar ushtarët të vazhdojnë punën e tyre të mirë "duke cuar deri në fund përgatitjet e luftës dhe duke rritur aftësinë luftarake". Koreja e veriut, e armatosur me armë bërthamore, e ka shpallur fqinjin jugor si armikun kryesor të saj dhe ka shkrirë agjencitë që më herët punonin për ribashkimin, duke kërcënuar me luftë. Seuli është një nga aleatët kryesorë rajonalë të Uashingtonit dhe Shtetet e Bashkuara kanë rreth 27,000 ushtarë në korenë e jugut për të ndihmuar vendin në mbrojtjen e tij kundër Phenianit.